Psalms 12
Man i beten bai God i helpim em
Devit i raitim dispela song. Man i bosim musik i mas tokim ol man long pilai musik long pasin namba 8.
1God, a yu mas helpim mi.I no gat wanpela gutpela man
i stap.
Bai yu no inap lukim
wanpela stretpela man.
2Olgeta b man i save giaman
long ol arapela man.
Ol i save tok gris long ol
na trikim ol.
3Bikpela, yu mas pasim maus
bilong ol man
i save mekim tok gris,
na pasim maus
bilong ol hambakman.
4Ol dispela man i save tok olsem,
“Bai mipela i toktok
long laik bilong mipela yet.
I no gat wanpela man
inap pasim mipela.
Husat i bosim mipela?”
5Tasol c Bikpela i tok olsem,
“Nau bai mi kam, long wanem,
ol man i wok long daunim ol rabisman.
Na ol man i karim pen na hevi,
ol i krai i stap.
Bai mi givim ol
dispela gutpela sindaun
ol i wet long kisim.”
6Tok d bilong God i tru olgeta.
Tok bilong en i gutpela tumas
olsem silva ol i bin kukim
7-pela taim long paia
na i klin olgeta.
7Bikpela, e lukautim mipela gut.
Was gut long mipela oltaim,
bai ol man nogut
i no ken bagarapim mipela.
8Ol f man nogut i save raun nabaut
long olgeta hap.
Na olgeta manmeri
i save tingting olsem
pasin nogut em i gutpela samting.
Copyright information for
TPI